Thurston Gardens, Fiji ke khaas botanical garden hae jiske naam Fiji ke paanchwa Governor, Sir John Bates Thurston, jon ki February 1888 se lae ke March 1897 talak Governor rahaa, pe rakha gais hae. Ii garden Suva ke Albert Park aur Government House ke biich me hei.
1879 me , John Bates Thurston, John Horne (Botanist), jon ki Mauritius ke Director of Forests and Botanic Gardens rahaa ke balae ke batais ki uu Fiji me ek Botanical Garden ke baare me jaanch kare. Ii garden ke suruu me Suva Botanical Gardens ke naam se jaana jaawat rahaa, lekin 1976 me Sir John Thurston ke yaad me iske naam ke badal dewa gais rahaa. 1913 me ii Garden ke fir se redesign karaa gais aur mahurri ke jamiin ke niche karaa gais rahaa. Ii time pe 101 Royal Palms aur 39 tree ferns ke bhi boya gais rahaa. Fiji Museum abhi Botanical Garden grounds me bhi hae.
